Գյումրու բժշկական կենտրոն

Արմեն Իսահակյան

Շիրակի մարզ, 3103, ք. Գյումրի, Գ. Նժդեհի 3/3

0312 3 03 11 , 0312 3 03 11

[email protected]

http://www.gyumrimc.am/

ՄԵՐ ՄԱՍԻՆ

2012թ. սեպտեմբերի 4-ին տեղի ունեցավ բժշկական նորագույն սարքավորումներով և որակյալ մասնագետներով հագեցած «Գյումրու բժշկական կենտրոն»-ի հանդիսավոր բացումը, որն ազդարարեց ժամանակակից բուժօգնության ներդրման սկիզբը ՀՀ Շիրակի մարզում։ Նորակառույց «Գյումրու բժշկական կենտրոն»-ի շինությունը միաձույլ հիմնակմախքով, բարձր սեյսմակայունությամբ, ժամանակակից հիվանդանոցաշինության միջազգային չափանիշերին համապատասխանող կառույց է, որն իր տեսակի մեջ եզակի է ՀՀ մարզերում։ «Գյումրու բժշկական կենտրոն»-ի կառուցման մասին նախագիծը հաստատվեց ՀՀ կառավարության 2006թ. նոյեմբերի 2-ի որոշմամբ, ըստ որի նախատեսվեց միավորել Շիրակի մարզային, Սամարիթեր և Գյուլբեկյանի անվան վիրաբուժական հիվանդանոցների վիրաբուժական և թերապևտիկ բնույթի ծառայությունները՝ ստեղծելով Գյումրի քաղաքում մեկ բազմապրոֆիլ հիվանդանոց՝ 210 մահճակալ հզորությամբ և մոտ 400 հոգանոց աշխատակազմով։ Բժշկական կենտրոնի կառուցումն իրականացվեց ՀՀ կառավարության «Մարզերի համաչափ զարգացման» ծրագրի շրջանակներում և ֆինանսավորվեց Համաշխարհային բանկի «Առողջապահական համակարգի արդիականացում» ծրագրով։ Այսպիսով. «Գյումրու բժշկական կենտրոն» ՓԲԸ-ն հիմնադրվել է 23.11.2012թ. ՀՀ Շիրակի մարզի «Շիրակի մարզային հիվանդանոց» ՓԲԸ և «Գյումրու Գ. Գյուլբենկյանի անվան վիրաբուժական հիվանդանոց» ՓԲԸ միաձուլման արդյունքում՝ համաձայն ՀՀ կառավարության 02.11.2012թ. թիվ 1911-Ն որոշման N9 հավելվածի «Գյումրի քաղաք» բաժնի 4-րդ կետի և ՀՀ արդարադատության նախարարի պետական ռեգիստրի 23.11.2012թ. տեղեկանքի: «Գյումրու բժշկական կենտրոն»-ը խիստ ժամանակակից բազմապրոֆիլ կենտրոն է` ախտորոշիչ հզոր հնարավորություններով, գերհագեցած վիրասրահներով, անհետաձգելի և ինտենսիվ բուժման, դիալիզի բարձրակարգ բաժանմունքներով, լաբորատոր բազմակողմանի ծառայություններով, ինչպես նաև մայրաքաղաքի և արտերկրի առաջատար կլինիկաների հետ հեռահաղորդակցային բժշկական խորհրդատվությունների իրականացման հնարավորությամբ: Կենտրոնում տեղադրված են ամենավերջին սերնդի մի շարք սարքավորումներ, որոնցից հատկապես հարկ է առանձնացնել համակարգչային սրտագրության սարքը և անգիոգրաֆը: Վերջինիս առկայությունը հնարավորություն է տալիս առաջին անգամ մայրաքաղաքից դուրս իրականացնել ինչպես ախտորոշիչ, այնպես էլ ինվազիվ բուժական միջամտություններ, և տարածաշրջանի ազգաբնակչությունն անհրաժեշտության դեպքում հնարավորություն ունի սրտաբանական բարձրակարգ ծառայություն ստանալ տեղում։ Կենտրոնը հնարավորություն է ընձեռում Շիրակի մարզի և հատկապես Գյումրի քաղաքի բնակչությանը ստանալ որակյալ, ժամանակակից և մատչելի բժշկական ծառայություններ։ Կենտրոն, որ կարող է բավարարել աշխարհի զարգացած երկրների պահանջները։ Գյումրու բժշկական կենտրոն

ԾԱՌԱՅՈՒԹՅՈՒՆՆԵՐ

Թերապևտիկ բաժանմունքը ծավալված է 50 մահճակալով: Բաժանմունքը համարվում է նեղ մասնագիտացված թերապևտիկ բաժանմունք, որտեղ գործում է նաև նյարդաբանական ծառայությունը: Բաժանմունքում աշխատում են թերապևտներ, թոքաբան, նյարդաբաններ, էնդոկրինոլոգներ, նեֆրոլոգ, անոթաբան: Թերապևտիկ բաժանմունքում հետազոտություններ և բուժում կարող են ստանալ1. Շնչառական համակարգի հիվանդություններով տառապող հիվանդները հետևյալ ախտորոշումներով`

• Թոքերի խրոնիկական օբստրուկտիվ հիվանդություններ:

• Թոքերի ոչ սպեցիֆիկ խրոնիկական հիվանդություններ

• Թոքաբորբեր

• Բրոնխիալ ասթմա

• Պլևրիտներ

2. Ալերգիկ հիվանդություններով տառապող հիվանդները` հետևյալ ախտորոշումներով`

• Սուր եղնջացան

• Խրոնիկական ռեցիդիվող եղնջացան

• Կվինկեի այտուց

• Ալերգիկ բրոնխիտներ

• Ատոպիկ բրոնխիալ ասթմա

3. Ռևմատոլոգիական հետևյալ ախտորոշումներով`

• Ռևմատոիդ պոլիարտրիտ

• Բեխտերեվի հիվանդություն

• Սիստեմային կարմիր գայլախտ

• Բեխչետի հիվանդություն

• Սիստեմային սկլերոթերմիա (Ռեյնոյի հիվանդություն)

• Սիստեմային վասկուլիտներ

• Պոլիմիոզիտ, դերմատոմիոզիտ

• Ռևմատիզմ

• Ռեակտիվ արթրիտներ

• Օստեոարթրոզ

• Օստեթպորոզ

• Պադագրա

• Պսորիատիկ արթրիտ

4. Էնդոկրինոլոգիական հետևյալ ախտորոշումներով`

• Շաքարային դիաբետ II-III տիպ

• Թիրեոտոքսիկոզ

• Հիպոթիրեոզ

• Ադիսոնյան հիվանդություն

• Ոչ շաքարային դիաբետ

• Մետաբոլիկ սինդրոմ

5. Գաստրոէնտերոլոգիական հիվանդություններ

• Գաստրիտներ

• Խոցային հիվանդություններ

• Խրոնիկական հեպատիտներ

• Խրոնիկական խոլեցիստոպանկրեատիտներ

6. Նեֆրոլոգիական հիվանդություններ

• Գլոմերուլոնեֆրիտ

• Երիկամների պոլիկիստոզ հիվանդություններ

• Պիելոնեֆրիտ

• Երիկամների խրոնիկական հիվանդություններ

• Ինտերստիցիալ նեֆրիտ

• Երիկամների առաջնային և երկրորդային ամիլոիդոզ

• Պարբերական հիվանդություն

7. Անոթային հիվանդույթուններ

• Վարիկոզ հիվանդության բարդացված տրոֆիկ խոցով և կանգային դերմատիտով

• Հետթրոմբոֆլեբիտիկ սինդրոմ

• Սուր ֆլեբոթրոմբոզներ, որոնք ենթական չեն վիրահատական միջամտության

• Օբլիթերալ ասթերոսկլերոզ իշեմիկ սինդրոմով

• Օբլիթերալ թրոմբանգիիտ

• Դիաբետիկ անգիոպաթիա

• Կատարվում է նաև ինվազիվ լազերոթերապիա8. Նյարդաբանական ծառայություն

• Կենտրոնական նյարդային համակարգի հիվանդություններ` անոթային (հեմոտագիկ, իշեմիկ ինսուլտներ)

• Դեգեներատիվ հիվանդություններ9. Պերիֆերիկ նյարդային համակարգի հիվանդություններ`

• Ռադիկուլիտ

• Նեյրոպաթիաներ

• Ժառանգական դեստրուկտիվ դեգեներատիվ հիվանդություններ

• էպիլեպսիա

ՄԵՐ ԳՈՐԾԸՆԿԵՐՆԵՐԸ